唔使搭飛機都去到！沖繩與那國島將增設高速船來往台灣花蓮　預計最快2021年試航

唔少潛水發燒友都知道日本沖繩與那國島係非常著名嘅潛水島嶼之一嚟，除咗可以睇到猶如廢墟遺址嘅海底巨石之外，仲可以喺冬季時睇到雙髻鯊，因而每年都會吸引唔少人專程到當地潛水，而遲啲喺僅距離與那國島 108 公里嘅台灣花蓮都可以搭高速船去到與那國島喇～

據日本傳媒《八重山每日新聞》報導，日本與那國島當地政府已喺上月底開始公開招標，籌備來往台灣花蓮兩地嘅高速船業務，並預計於月內與營運商簽約，預計最快 2021 年就可以試航。

Photo from 《八重山每日新聞》

報導中指，計劃預計喺 2021 年起每年試行 2 至 3 次，喺 3 至 4 年後再進行成果檢視。

Photo from visitokinawa.jp

Photo from visitokinawa.jp

其企劃財政課課長小嶺長典表示正考慮喺未來嘅旅遊活動中，向日本國內呼籲與台灣展開雙向邊境旅遊。

Photo from visitokinawa.jp

因此，營運商喺競標中必須承包研究建立檢疫分公司嘅可能性、評估與那國島中兩個港口（佐野港及庫伯港）及台灣花蓮港嘅狀況，並了解花蓮市及台灣嘅市場動向、研究落實邊境旅遊等業務。

咁睇嚟去年有打算去與那國島潛水嘅大家可以考慮吓去埋台灣玩喇！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）